End of Tour

這天要回家了, 我們會坐4:20pm回香港, 因是羽田機場,所以可以搭2:00pm巴士, 就用最後數小時在新宿作最後衝刺, 當然, 又有不少收穫!

下午就食咗天神拉麵, 又係次次都食佢, 因口味問題, 都係覺得佢好食過北海道食嘅!

準時上車, 到達機場才知道班機delay了, 仲未知時間,要5點回counter攞消息, 早知就在新宿再行吓先喇!CX每人派咗1500日元餐券, 因唔肚餓, 所以唯有四圍行!

兩大匣, 三個紙箱加一大袋衫!

5點回去, Check-in, 班機要delay到9點幾, 每人再派2000日元餐券, 我哋手上共有10500日元餐券, 因未肚餓, 所以選擇食地道美味嘅綠茶雪糕食品, 先用哂4500日元.

食完之後, 因為大堂都行哂, 冇嘢好行, 所以決定過咗海關先,在禁區裡行吓及吃晚飯, 點知商店仲少, 食店仲差過離境大堂!因食店食品少及唔貴, 怎也用不完6000日元, 只好剩下的全要哂雪糕及飲品!今日真係食咗好多雪糕! 早知就在check-in大堂食完先入來!

因大雪, 所以班機delay到9:50pm, 這時, 我有感覺可能今晚可能回不了香港, 因聽說機組及機司嘅standby及飛行時間是有限的, 隨時今晚因超時而不能起飛.

到咗9點幾, 終於上機了, 意為等咗咁耐終於可以返香港, 但上機後, 因大雪仲未飛得, 仲開電影俾我哋睇, 今次我念都係飛唔到!

果然, 差不多兩個鍾後要落機到候機室等, 而12點幾就公報班機要delay到天日, 要等安排到酒店過夜!但都要攪咗個幾鍾才可上車到酒店.

要明天12時才離開!

安排到的酒店竟然是位於廸士尼區酒店, 而房間陳設更如童話故事一般!但今天太倦了,明天才細心欣賞!

瞓到10點左右起身, 發覺間房真係幾靚!開窗仲望到Disneyland!

電梯大堂也很有心思!

等11點食午飯前在四周行吓!好有廸士尼feel!

 

 

 

最後, 我們班機在3:00pm起飛回香港!

今次旅行真是好開心及難忘, 希望明年可以再去一次就好了!

Day 10 - Part 2 - 行街街

宮崎峻美術館位於三鷹市, 與吉祥寺只是一站之遙, 只要經過井之頭公園就到吉祥寺, 所以我們選擇慢慢行去吉祥寺!井之頭公園嘅風景也不錯!

在吉祥寺行咗丁陣就搵咗間壽司食壽司做午餐, 跟住就到秋葉原睇玩具, 除大減價外, 一般價錢都比香港貴, 特別是現在這個匯率, 但也可找到一些希有產品, 我就在Mandrake買了一些二手全新超合金, 價錢都OK!最後就到位於秋葉原嘅Gundam Cafe朝聖, 但好多人及冇位, 只能在門外參觀!

我們買了高達豆沙餅吃, 有1/144大小, 都幾好味!

行完秋葉原就回新宿繼續shopping, 到咗7點多8點就去食晚飯, 本來今次都用咗幾多錢, 想省一點, 但最後都受唔住, 要豪小小, 所以都去食每次到東京(包括出差)必食嘅六歌仙燒烤放題, 要成6300(最平)一個, 好在桐桐都係免費!有其他價錢選擇, 分別只是牛肉方面, 我自己就不太懂分辨, 只點最平的就夠!

雖然都幾貴, 但在香港真係食唔到!    

咁多牛肉選擇, 最好味就係下面嘅里脊肉, 燒到6,7成熟最好味,入口即溶!其他蝦, 蟹及帶子都好好味!

食完真係好滿足!跟住就慢慢行返酒店, 收拾好準備明天回香港,結束今次日本之旅! 都買咗幾多嘢, 照例都要去商搵紙箱打包行理事!