Day 10 - Part 1 - 宮崎峻美術館

兩年前來東京時, 意為可以到東京才買宮崎峻美術館嘅入場卷, 但估計錯誤, 全部都滿了, 無得去!

這次在到日本前就到香港JAL天地預先買定入場卷, 雖然貴少少及指定日期不能改, 但都好過買不到而冇得去!

今天天氣幾好!

首先是看這裡才放的小電影

可惜今天不是放下面Poster的小貓巴士, 是的話桐桐會仲開心!

睇完之後, 就先食個早餐才睇其他!

餐廳滿哂及好多人排隊, 只好食熱狗了, 而且環境也好舒服!

食完就慢慢影相, 這裡的建築真是又漂亮又特別!

接住當然是參觀室內展覽廳了!這裡有很多宮崎峻動畫嘅初稿,原稿及動畫原理等, 因室內不可影相, 所以冇相睇!

上到頂樓, 就是桐桐最喜歡的大貓巴士了, 這裡有一架超大貓巴士可以給小朋友玩, 雖然不可以影相, 但都偷暘了幾張.....

桐桐排頭位,但都已經望住貓巴士定一定!

可以在貓巴士上爬上爬落!

跟住就到天台嘅天空之城!

買了一些紀念品之後, 就向下一站進發了!

Day 9 - Tokyo Disneyland

今天到了到東京嘅指定動作, 東京廸士尼樂園

今天天氣不算好, 陰陰地, 可能會落雨, 著多兩件衫, 但念住都是東京,不是北海道,始終冇著咁足, 點知就錯哂, 又加上落雨,今天是全程感覺上最凍的一天.

我們大約10點到達東京廸士尼樂園  

因機動遊戲跟香港分別不大, 所以我們選擇先看表演為主, 第一個看嘅就係在城堡前嘅大型綜合表演, 如果早到, 仲可以同卡通人物接觸, 所以已經有好多家庭坐在地上等候! 香港就冇這樣的表演睇!

個天開始想落雨, 又拍開始凍, 見到有帽可包住個頭, Della & 桐桐馬上買咗一人一頂, 包住會暖好多, 仲幾靚! 即刻笑哂!

天好快就開始下雨了, 逾來逾凍! 露天表演仲中途腰斬......

唯有四處行吓, 12點半有一個表演, 睇埋先食飯.

香港的真係冇得比!

睇完去食飯, 人多, 都要等到成2點先有位, 而且巡遊馬上開始, 所以點菜後就Della and 桐桐出去睇花車巡遊, 我在餐廳等!

唔知點解, 都係覺得日本嘅花車都係靚過香港的, 大D又靚D!

睇完佢哋都好開心, 但食物有點凍,所以叫店員幫忙加熱! 有咖哩飯及意粉!

食完後在餐廳外咁啱見到米妮, 當然馬上影張相先, 東京廸士尼不像香港有指定位置有卡通人物可影相, 佢哋只係間中出現一吓, 睇吓幾多人就知! 好彩都影到!

跟住開始玩機動遊戲, 冇咩特別!

但今次城堡及數個機動遊都在裝修或維修, 如白雪公主及Peter Pan都在維修, 另外晚上花車巡遊及煙火都因為不停落雨而取消, 只有一架花車出來一吓!

都幾失望, 玩多一陣就走了!

明天就到上次旅行因買唔到票而冇去嘅宮崎峻美術館!

Day 8 - 離開北海道

今天天氣比昨天好, 我哋會離開Resort Tomamu, 也會離開北海道到東京.

Check out後我就先到停車場攞車, 她們先在大堂等, 因昨晚落大雪, 成車雪有成3吋厚, 要搞一輪先清理好才可開車.

今天起得早, 可以到”HAL”食自助早餐, 今天可以看清四周環境了!

望向窗外, 正好有一對新人正準備到冰之教堂行禮.

離開前, 在門口影張相留念!

我們會在新千歲機場坐內陸機到東京玩多兩日先番香港, 到機場前, 我們先到Rera Outlet shopping, 都買咗一D衣服比桐桐.
還車前, 先入油, 入咗唔到5000日元, 都ok!比原定還車時間早半小時, 竟然有735日元退回, 意外!
我們坐3:30機, 機上桐桐好精神!

去到新宿酒店check-in 後已經6點多, 休息一陣, 行一陣街, 就去咗食個靚靚吉列猪排餐, 好味道!

食完行多一陣24小時商店就返酒店, 準備明天Disney之旅!