Day 8 - Going Home

今天是今次旅程的最後一天, 下午返香港! 好唔捨得!

始終唔太喜歡瞓和式, 同樣早起, 她們也未醒, 自己一個出去影日出, 北海道的清晨真係好舒服!

影完相返房, 她們仲未醒, 跟住當然係溫泉時間, 人不多, 其實是很多日本人已經浸完離開了, 他們應是6時多剛日出時就開始了!

好舒服, 當然也不會忘記到室外有名的野湯浸吓, 在有如野外天然有雪的環浸境感覺真唔同, 無人時也用手機偷影反幾張相!  

 

 

浸完今次旅程最後一次溫泉, 就到早餐時間, 都幾好味!

8時半多一點就開車到千歲還車及到機場, 比預定時間早了點! 唔趕, 中途有景就停吓車影吓相!

支芴湖全景

因昨天看到野生鹿, 今天也留意下路邊山坡, 同樣也發一些, 所以也就停車影相!

唔知係唔你聽到我哋D聲, 望住我哋!

 

成年公鹿比較少見!

還車及check-in後, 就到機場大樓去年新開的多啦A夢館睇睇! 沿途也有很多商店!

Royce 朱古力!

朱古力機!

 

Stieff

多啦A夢館!

 

 

好多人都想有的時光機!

 

總結今次行程, 感覺好快過, 也好像有少少急及失望, 其中一個是不能坐破冰船, 如果2月應該機會好一點, 因全球暖化關係, 擔心將來機會會更少! 一天由紋別直到小樽也真係急咗D, 應該中途停一晚較好, 但我們時間所限, 現在的行程也不是太差! 另外有雪節的時間好像好玩一點!

下次目標也是北海道, 又北海道???對, 但係係夏天的北海道, 可以睇吓無盡的花田, 薰衣草, 向日葵等, 當然要試吓美味的夕張蜜瓜及其他美食!

Day 7 - 支芴湖

今天會到支笏湖，早上輕鬆D及行下大通公園，成11點先出發，
今天天氣跟昨日差不多，好大雪，到中午飯時間都係咁！

但到接近支笏湖天氣轉好，天也開始放晴!

大約3點到達丸駒溫泉旅館，去年也是住這裏！

時間尚早, 先在旅館影吓相, 跟住才到冰濤際會場!

旅館車要4:30 才出發, 跟去年經驗, 去到已經入黑, 所以今次自己開車去, 時間控制會好一點及可以早D去!

之前有網友說自駕有機會見到野生動物, 所幾日來都有留意, 但可惜都冇發現, 但在去會場路上, 竟然有驚喜!

會場是在湖的另一邊, 我們要沿湖邊一路走, 一邊是湖, 一邊是山坡, 就在山坡上見到一些野鹿, 零零星星有超過10隻以上!

在相片中可以找到最少3隻鹿!

意為可以在山坡上見到野鹿已經好好, 但差不多到場附近時, 馬路右手邊忽然有幾隻走出來, 想過馬路, 我馬上把車停下, 讓牠們在車前經過, 過馬路後, 有一隻仲回頭望住我哋, 好像say thank you!

今日都幾多人, 都要排咗一陣先入到停車場!

今次早少少到, 所以個天仲光, 有時間影多少少相!

天有少少陰, 太陽剛剛落山!

今日幾凍吓, 有成-10度!

當然少不了小朋友至愛, 滑冰梯!

 

今晚好凍, 睇完煙花馬上回車上回旅館, 食飯前先浸浸溫泉暖暖身!

晚餐時間, 因人多, 今次選擇在餐廳食, 環境不錯!

這是今晚餐單, 同上年差不多, 同樣美味!

小朋友有兒同餐!

食完飯,四維影吓相!
正門!

回到房間, 牀已經弄好!!

休息一會, 跟住當然臨瞓前再浸一次溫泉!

浸完返房, 見佢哋未返, 天氣幾好又冇雲, 就攞相機出去試吓影星, 因只在書上睇過及第一次, 唯有試吓不同組合, 但都幾凍, 影咗10多幅就收手了!

下次可以曝光長少少或大一點光圈!