今天7點就起身, 因為要坐8:30am嘅旭山動物園號列車, 一日只對開一班, 仲要旺季先每日有!有什麼特別? 睇落去就知道!
從札幌到旭川大約要坐個半小時火車, 單程都要4千幾日元, 但有旭山動物園入場卷連火車及巴士來回套票, 只要5900日元, 同樣, 桐桐都係免費. 就算咁, 2個人以上應該都係租車平D, 但係為咗旭山動物園號列車, 都係決定坐火車.
旭山動物園號是全車指定席, 而套票只是自由席, 所以要加錢, 平時要400日元一程, 旺季就要700日元, 因此列車經常滿座, 所以我第一日到達札幌時已經訂定.
呢架就係旭山動物園號列車, 這列車是專為旭山動物園設計, 外型幾得意, 裡面仲得意呀!
我們坐嘅係3號車箱.
每個坐位都有不同動物椅套, 我們的是松鼠
除此以外, 每一卡都會用動物做主題, 有一SET動物做型嘅椅比乘客影相.
上車前,買咗donut做早餐, 桐桐仲有熊仔Donut.
食完早餐, 就係影相時間!睇吓知不知道是那種動物?
有人份企鵝同你一齊影相 
最頭第一卡是兒童天地, 有卡通片及故事書睇.
仲可以吸印留念, 我們亦買咗紀念車票!
落車前, 全車影哂!
接近旭川, 見不到高樓大廈, 見到的是一片更靚的白色天地, 天氣唔錯.
到咗旭川, 仲要坐多約20分鐘巴士先到達動物園
大約10:45終於都到咗旭山動物園.
雪景都好靚呀!
下回再續!
沒有留言:
張貼留言