Day 3 - 阿寒湖到網走

唔知係唔係始終不習慣瞓和式，又或者是張被的問題，成日覺得好熱而瞓得唔好，昨晚又是這樣！
本來瞓醒想浸多次溫泉才食早餐，但因為頂樓露天風呂輪到女嬪時間而打消念頭！
今天早餐也是在＂天河＂食，都ok!

 

 

今天行程是先到屈斜路湖砂湯等景點，然後直去網走船長之家！時間都幾趕，本來想在川湯留一晚，但得8日，時間唔夠，只有趕一㸃！
從阿寒湖到屈斜路湖要經國道241再轉243，一路上都是山路，所以要開車開得小心及慢一㸃。因這是山路，經常看到＂小心動物＂的標誌，大家都希望可以看到野生鹿或狐狸等，可惜都是只有失望！

今天天氣好好，沿途風景也很靚！

 

 

 

我們第一個目的地是野外露天溫泉 - ＂古丹湯＂，與天鵝浸溫泉。地點有點隱蔽，走過了也不知而去錯咗另一個溫泉 - ＂池之湯＂。＂池之湯＂都幾靚，又幾大，但D水就好像有問題，感覺不太乾淨，天鵝也只得兩只。影幾幅相就走！

 

返轉頭再找＂古丹湯＂，這次小心一點及行慢點就找對路口，找到了！＂古丹湯＂比＂池之湯＂靚多了，但細一點，而且中間有塊石分閠男女湯，又有一大群天鵝在旁邊！真系好靚, 去相！

古丹湯



牌上寫的就是溫泉的使用規則, 這個野湯是可以穿泳衣浸的! 其他的基本上都是不可以的.


"秘湯 屈斜路湖 露天風呂"


分男女湯



有更衣室


因為冇風及泉水都好熱, 有好多蒸汽, 影得不太清楚!
溫泉是在"屈斜路湖"旁邊, 湖上隱約看到有很多天鵝!


好多天鵝呀！

雪白的天鵝


溫泉是流到湖裡的, 所以靠岸邊是沒有結冰, 因此天鵝在此集結休息!


這裡真係好靚, 咁自然寧靜的環境, 世界上冇幾多了!

 

下一站，就是另一個天鵝湖 - ＂砂湯＂。好近，5分鐘左右就到！

 

這裡空間大好多，天鵝也更多，這裡已有數架旅遊巴在等候，及一些遊客已在餵天鵝，相信這是一個旅遊景點！
這裡比較像一個沙灘, 靠岸的湖水沒有結冰, 應該也是溫泉水的關係!

 

這裡的天鵝都們都不怕人，我們拿了一些麵包給桐桐餵佢哋

這裡旁邊有一間餐廳及紀念品店

可能因為剛剛睇完天鵝，所以桐桐一見到天鵝公仔馬上唔放手，這裡可能是旅行團午餐地點，已有一團在食午餐，仲好似是香港團，食嘅係火鍋，仲有蟹，都幾大隻，店主仲安排緊20多個位，可能仲有其他團快到。

這裡風景也很好!



因已經成一㸃，所以離開砂湯後就出發去網走，只是在川湯及硫黃山影兩幅相就走。

川湯溫泉，這是足浴用的


硫黃山



沿途風景都好靚, 好舒服!

直向網走進發，沿途風景好靚，本來想先到網走流冰館及濤沸湖，可惜行錯路，找不到又浪費時間，而今晚是要到"船長之家"的,
所以唯有放棄，直到＂能取岬＂。約3點到達＂能取岬＂, 已經有兩架旅遊巴在, 有些遊客正在影相, 全是強國遊客, 可能因為非誠勿擾關係,
這裡已成為他們主要景點!




天陰陰, 想落雪, 而且好大風, 桐桐都話好凍, 所以只在較近地方影相就算, 而沒有走到岸邊觀看!



從這位置望向海, 海上似乎沒有流冰, 如是這樣, 明天可能沒有"破冰船" 坐了, 希望"紋別"那邊無問題吧!


不多久就走, 因現在時間應不太緊, 所以沿途見有靚景就停吓影吓! 見到有避車處都停低睇睇! 這裡就是剛過了"美岬隧道"的避車處, 較低及近海,
這裡就看見一些流冰, 雖然不是整個海及只在靠近岸一帶, 但已經好興奮.

遠處就是我們剛剛才離開的能取岬燈塔!

流冰應該唔係好厚!

跟住我們就沿住能取湖而行, 向今晚住的"船長之家"進發!

能取湖, 看到要到對岸天色才好一點!

有人在湖中釣魚!

差不多到船長之家, 就已經日落了, 雖然不算好靚, 但都OK! 所以也停車影咗幾張!

 

到達船長之家時, 太陽已經落山了!

 

船長之家, 這是民宿一類, 從其他網友所說, 這裡的晚餐是美味及超值的!

都是和式的, 但舖地的氈子有點薄, 可能瞓時會不太舒服!

店內有漫畫可以消磨時間!但當然只有日文!

這裡就是我們今晚的飯堂!

四人份!, 仲有其他後上!

份量好多, 但蟹方面好像沒有之前看其他網友的多, 見到他們是仲有一人一隻長腳蟹, 而帝王蟹就一人半隻, 不是只有幾隻腳!

眼望望, 食咗你! 但都係冇食到, 因為太飽, 食唔哂!要打包!

 

後上的蟹肉飯, 網燒蠔, 鹽燒蝦...............

 

好飽呀!終於都是食唔哂!只有打包路上食!