Day 4 - 紋別, 旭山動物園 至小樽

如昨晚所想, 舖地太薄, 瞓得唔舒服, 瞓吓醒吓! 6點幾就起身, 去咗浴場浸番靚涼浴, 同房個浴室一樣, D水都係唔夠力, 但可能因為早及不是溫泉酒店, 所以一個人都冇, 一個人霸哂成個浴池, 好舒服!

浸完Della先剛起身, 換完衫執好嘢, Della未得就先出去睇吓影吓相!

日出!

船長之家正門及我哋架車!昨晚冇落雪!

船長之家對面的鶴雅, 旅行團就住在呢度, 昨晚都有兩個香港人過來問!

這是今天的早餐, 都好美味及同一樣咁大份! 

食完就出發, 當然要記得攞昨晚食剩打包嗰3隻蟹, 店主已經幫我們用冰包好!

今天的行程是先到紋別坐破冰船, 然後到層雲峽住一晚!

船長之家離紋別不遠, 一個小時就到, 因這兩天天氣都很好及見能取岬冇咩冰, 沿途擔心今天坐破冰船都冇冰睇!

到達碼頭之後, 售票處果然說"Today No Ice"! 好失望, 唔知幾時先有機會再坐破冰船, 現在唯有到流冰展望塔參觀.

展望塔的底層是在海底, 展示出很多冰海裡的生物, 包括"流冰天使"! 好得意啊!

同其他展覽館一樣, 一定有紀念品店!

三樓展望台!可以看到紋別的風景!天氣好, 風景都靚D!

破冰船碼頭!

可能因為早及是weekday, 全館只有我們幾個, 想點都得!

仲有小小流冰!

睇完流冰館, 就到對面的海豹館睇海豹!

指定動作,扮海豹!

進場時, 見到已經過咗餵食時間, 有點可惜, 但入到去都有得睇, 可能全館只得我們幾個, 專門表演給我們看也不定!

   好得意呀!

 

個館其實幾細, 都好快睇完, 都係11時, 本來計劃坐埋破冰船及午餐, 要留到2,3點, 之後開車到層雲峽過一晚, 明天到旭山動物園再回札幌, 但咁早就決定提早到旭山動物圓跟住晚上直回小樽過夜, 今日開車會長小小, 但時間上對之後行程會鬆D及冇咁趕, 好在酒店仲改到, 但就不太好意思!

大約一點到達旭山動物園, 有兩個多小時睇, 應該足夠! 這次是從東門進入, 有別去年坐巴士之入口!
天色不太好, 但都OK!


本來今次有意經過釧路睇野生丹頂鶴, 但時間及路線配唔到, 所以放棄, 現在唯有在動物園睇!

好神氣啊呀

雪狼!

好得意呀!

北極熊!

 

睇完各主館, 剛好到下午企鵝巡遊時間, 霸番個靚位先!

行緊來啦!

 

 

再睇多一陣已經差不多到4點嘅關門時間, 買一些紀念品後就出發到小樽了! 這段路程比較遠, 要3個多小時, 仲好似開極都未到!7點左右終於到達小樽嘅酒店 - Hotel Nord Otaru!

這酒店是是次旅行最底一間, 即日book都只是7000日圓一間房, 位置又在小樽運河旁, 房間都不錯, 可惜房間不是望向運河, 如果唔係就仲底!但邊有咁好嘅事件!

好凍吓, 所以就食咗拉麵做晚餐, 之後, 當然是到小樽運河影吓相!

雖然不是在雪燈嘅時間, 但都好靚, 仲冇咩人可方便影相!

 

係咪好靚先!
 

現在是零下7.9度! 好凍呀!

今日都好累了, 又凍, 行咗一陣就回房休息了! 瞓前就食埋D蟹做宵夜!